Risi pas risive për kurimin e zemrës ?! - 27 May 2012 - SHËNDËTESI

Kryesore » 2012 » Maj » 27 » Risi pas risive për kurimin e zemrës ?!
6:35 PM
Risi pas risive për kurimin e zemrës ?!
Njerëzve, të cilët përjetojnë dështimin e zemrës ose dëmtime të konsiderueshme në zemër, mund t’u zgjatet jeta me transplantimin e qelizave të indit të zemrës, i cili për herë të parë është rritur nga lëkura e pacientit.Me ndihmën e qelizave burimore të marra nga lëkura e njerëzve më të moshuar kemi arritur që në laborator të rrisim qelizat e shëndetshme të muskulit të zemrës, kanë deklaruar shkencëtarët nga Instituti izraelit i teknologjisë dhe i mjekësisë në Haifa. Studimi i tyre hap mundësinë e riprogramimit të qelizave të marra nga pacientët me dështim të zemrës, të cilat mund të transplantohen dhe kështu t’u zgjatet jeta, sepse shanset janë më të vogla që trupi të refuzojë indin e vet, shkruan BBC. "Eksperimentet i kemi bërë në njerëzit më të moshuar sepse tek ata më së shpeshti ndodh dështimi zemrës dhe vdekja për shkak të infarktit”, ka thënë udhëheqësi i ekipit shkencor, profesori Lior Gepstein.Ky hulumtim është përparimi më i ri në terapinë me qeliza burimore, ndërsa synimi i tij është të zëvendësojë qelizat e dëmtuara të indit të zemrës me ato të shëndetshme, me çka do të zvogëloheshin simptomat si ndërprerja e frymëmarrjes dhe dhimbjet dhe do të rrisnin kapacitetin e punës së zemrës.

Në studim, shkencëtarët qelizat e lëkurës së dy pacientëve meshkuj me dështim të zemrës i kanë riprogramuar në dy mënyra, duke i dhënë tri gjene bërthamës së qelizës të rritur nga qelizat e lëkurës dhe virusin i cili ka transmetuar të dhëna për riprogramimin e bërthamës qelizore.

Qelizat e lëkurës janë shndërruar në qeliza të muskulit të zemrës brenda 24 deri 48 orëve në laborator ku janë rritur me indin ekzistues të zemrës. Pastaj shkencëtarët kanë transplantuar indin e rritur në zemër të pacientëve, ku kanë vërtetuar që i kryen funksionet e veta në mënyrë krejt normale.

Megjithatë, shkencëtarët izraelitë paralajmërojnë që deri te prezantimi i procedurave të tilla mund të kalojnë pesë deri dhjet vite të testimeve klinike shtesë, ndërsa problem të madh paraqet paraja pasi që rritja e qelizave burimore është shumë e kushtueshme.
Postuar nga: ksdardania | Vlersuar: 3.0/1

Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania.
comments powered by Disqus